Bakı. Vahab Rzayev – APA-Economics. Azərbaycanda tikinti xərcləri indikatoru (Construction Spending Indicator – CSI) 2013-cü ilin dekabr ayı üzrə 184,7% təşkil edib. «APA-Economics»in Dövlət Statistika Komitəsinin məlumatları əsasında apardığı hesablamalara görə, noyabrda həmin indikator 85,5%, oktyabrda isə 82,5% olub.
CSI indikatoru ölkədə hesabat ayı ərzində mənzil tikintisinə yönəldilən investisiyaların əvvəlki ayın analoji göstəricisinə nisbətidir. Göründüyü kimi, artmaqla indikator müsbət zonaya keçib. İndikatorun 100%-dən yuxarı olması bu investisiyaların aylıq müqayisədə artmasını göstərir:
Qeyd edək ki, CSI əsas makroiqtisadi indikatorlardan biridir. Bu indikator tikinti sahəsində fəallığı, bu sahəyə yönəldilən maliyyə vəsaitlərinin dinamikasını əks etdirir.
Ümumilikdə, 2013-cü il ərzində mənzil tikintisinə 1 323,1 mln. manat həcmində investisiya qoyulub ki, bu illik müqayisədə 4,1% azdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
