Bakı. Şəhriyar Əlizadə - APA. Vəkil Bəhruz Bayramov “Bizim yol” qəzetinin həbsdə olan əməkdaşı Pərviz Həşimli ilə görüşüb.
Bu barədə APA-ya açıqlama verən B. Bayramov bildirib ki, P. Həşimlinin saxlanma şəraitindən şikayəti yoxdur: “Pərviz Həşimli Bakı Ağır Cinayətlər Məhkəməsinin hakimi Novruz Kərimovdan Məhkəmə-Hüquq Şurasına şikayət edib. Bildirib ki, məhkəmə onun barəsində ədalətsiz hökm çıxarıb. Hazırda apellyasiya məhkəməsinə hazırlaşır”.
Xatırladaq ki, P. Həşimli ötən il sentyabrın 17-də Milli Təhlükəsizlik Nazirliyinin (MTN) əməkdaşları tərəfindən həbs edilib. O, Cinayət Məcəlləsinin 206.3.2-ci (qaçaqmalçılıq) və 228.2.1-ci (qanunsuz olaraq odlu silah əldə etmə, saxlama) maddələri ilə ittiham olunur. Onun barəsində Səbail Rayon Məhkəməsi tərəfindən həbs-qətimkan tədbiri seçilib.
Bakı Ağır Cinayətlər Məhkəməsinin hökmü ilə Pərviz Həşimli 8 il müddətinə azadlıqdan məhrum edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
