Bakı. Cavid Zeynallı - APA. Azərbaycan Dövlət Gənc Tamaşaçılar Teatrının bölgələrə qastrol səfəri başa çatıb.
Teatrın mətbuat xidmətindən APA-ya verilən məlumata görə, qastrol səfəri iyulun 4-dən start götürərək Şəmkir, Samux, Göygöl, Daşkəsən və Tovuz rayonlarında davam etdirilib.
Teatrın kollektivi bölgələrdə M.F. Axundzadənin “Hekayəti-Xırs-Quldurbasan” tamaşası ilə çıxış edib.
Qastrol səfərləri ilə yaradıcı heyət 87-ci teatr mövsümünə Tovuz rayonunda yekun vurub.
Mövsümün bağlanış mərasimində Dövlət Gənc Tamaşaçılar Teatrının nümayəndələri ilə bərabər, Tovuz rayon İcra Hakimiyyəti aparatının rəhbərliyi, mədəniyyət, səhiyyə, təhsil işçiləri və ziyalılar iştirak ediblər.