Bakı. Könül Cəfərli - APA. İki ildən çoxdur ev dustaqlığında saxlanılan İranın müxalifət liderlərindən olan Mirhüseyn Musəvi və xanımı Zəhra Rəhnəvərd qızları ilə görüşüb.
APA-nın “Kaleme” saytına istinadən məlumatına görə, Koukəb və Nərgiz Musəvi ilə görüş 4 aydan sonra baş tutub.
Martın 13-də keçirilən görüşdə İran təhlükəsizlik qüvvələri qızların öz ata-analarına yaxınlaşmasına imkan verməyiblər. M.Musəvi və Z.Rəhnəvərd qızlarının evlərinə hücum edilməsindən, onlara necə davranmalarından, sorğu-suala tutulmalarından və irəli sürülən ittihamlardan narahat olublar.
Qeyd edək ki, M.Musəviyə ev dustaqlığına salınandan bəri yaşlı anası ilə görüşməyə icazə verilmir. Onun atası həbsdə ikən vəfat edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
