Maliyyə

Ana səhifə

Maliyyə

Azərbaycan fond bazarı son bir ildə 36% artıb

02 noyabr 2012 14:06 (UTC +04:00)

Bakı. Nicat Mustafayev – APA-Economics. Bu ilin yanvar-oktyabr ayları ərzində Bakı Fond Birjasında (BFB) bütün alətlər üzrə aparılmış əməliyyatların ümumi həcmi 8,251 mlrd. manat təşkil edib. Bu isə 2011-ci ilin analoji dövrünə nisbətən 35,8% çoxdur.

BFB-dan «APA-Economics»ə verilən məlumata görə, ümumilikdə, hesabat dövründə korporativ qiymətli kağızlar (KQK) bazarı 18,5% artaraq 687,756 mln. manata çatıb. Korporativ istiqrazların ilkin bazarında 72 əqd üzrə 37,535 mln. manatlıq yerləşdirmə qeydə alınıb, istiqrazların təkrar bazarında isə 104 əqd üzrə 285,264 mln. manatlıq əqdlər bağlanılıb ki, ötən ilin yanvar-oktyabr ayları ilə müqayisədə istiqrazların ilkin bazarı 3,5 dəfə, təkrar bazarı isə 19,7% azalıb.

Səhm bazarına gəldikdə isə, hesabat dövründə bu növ kağızlar üzrə qeydə alınan əqdlərin həcmi 364,957 mln. manat təşkil edib və 2011-ci ilin yanvar-oktyabr aylarına nisbətən 4 dəfə artıb. Səhmlərin ilkin bazarı 4,2 dəfə, təkrar bazarı isə 23,9% artıb.

Hesabat dövründə dövlət istiqrazları bazarının həcmi 2,3 dəfə, o cümlədən istiqrazların ilkin bazarının həcmi 2,3 dəfə, təkrar bazarın həcmi isə 2,2 dəfə azalıb. Azərbaycan Mərkəzi Bankının notları hesabat dövründə 37,6% artaraq 784,312 mln. manata çatıb, o cümlədən notların ilkin bazarı 37,7%, təkrar bazarı isə 30,7% artıb. Ümumiyyətlə, yanvar-oktyabr aylarında dövlət qiymətli kağızlar (DQK) bazarının həcmi ötən ilin analoji dövrü ilə müqayisədə 37,5% artıb.

BFB-da qiymətli kağızlar üzrə keçirilmiş hərraclar

Bazarın seqmentləri	Yanvar-oktyabr, 2012		Yanvar-oktyabr, 2011		Nisbət, %
Bazarın seqmentləri	Əqdlərin həcmi, AZN	Əqdlərin sayı	Əqdlərin həcmi, AZN	Əqdlərin sayı	Nisbət, %
Dİ (AMN) (yerləşdirmə)	90 520 502,37	47	210 444 668,77	115	-2,3 dəfə
Dİ (AMN) (təkrar bazar)	18 146 719,85	15	39 563 251,84	40	-2,2 dəfə
Notlar (AMB) (yerləşdirmə)	771 824 818,01	193	560 442 611,95	232	37,7%
Notlar (AMB) (təkrar bazar)	12 486 939,02	8	9 555 687,77	5	30,4%
Repo əməliyyatları	6 669 760 155,49	905	4 679 022 462,21	1 091	4,2 dəfə
DQK bazarı cəmi	7 562 739 134,74	1 168	5 499 028 682,54	1 483	37,5%
Korporativ istiqrazlar (yerləşdirmə)	37 535 335,00	72	133 607 075,46	77	28,09%
Korporativ istiqrazlar (təkrar bazar)	285 264 342,71	104	355 154 749,07	87	80,32%
Səhmlər (yerləşdirmə)	354 986 325,77	207	83 703 599,10	119	424,10%
Səhmlər (təkrar bazar)	9 970 172,94	2 850	8 043 696,96	2 940	23,9%
KQK bazarı cəmi	687 756 176,42	3 233	580 509 120,59	3 223	18,5%
Cəmi	8 250 495 311,16	4 401	6 079 537 803,13	4 706	35,7%

Dİ – dövlət istiqrazları;
AMN – Azərbaycan Maliyyə Nazirliyi;
AMB – Azərbaycan Mərkəzi Bankı;
DQK – Dövlət qiymətli kağızları
KQK – Korporativ qiymətli kağızlar.