Bakı. Rüfət Əhmədzadə – APA. İsrailin Qəzzaya etdiyi hücumlar nəticəsində ümumilikdə 306 nəfər ölüb, 2250 nəfər yaralanıb.
APA-nın “Anadolu” agentliyinə istinadən verdiyi məlumata görə, bu barədə Fələstin Dövlətinin Səhiyyə Nazirliyindən bildirilib.
Ötən gecə Qəzzanın müxtəlif rayonlarına endirilən zərbələr nəticəsində 9 mülki fələstinlinin öldüyü qeyd olunur.
Əlavə edilib ki, iyulunun 7-dən bəri davam edən hücumlarda ölən 306 nəfərdən 74-ü uşaq, 26-sı isə qadındır.