Bakı-APA. Çinin cənubunda mədəndə baş vermiş partlayış nəticəsində ən azı 22 fəhlə ölüb, 9 nəfər itkin düşüb. APA-nın məlumatına görə, bu barədə “Sinhua” agentliyi xəbər verir.
Qaz partlayışı Sıçuan vilayətinin “Taotsıqoy” mədənində baş verib. Partlayış baş verən an yerin altında şaxtada 102 fəhlə olub.
Hadisə yerində axtarış-xilasetmə işləri davam edir.
Çinin dağ-mədən sənayesi dünyada ən təhlükəli sayılır. Hər il müxtəlif hadisələr nəticəsində mədənlərdə minlərlə fəhlə ölür.