Bakı. Ramiz Mikayıloğlu - APA. “Rüstəm İbrahimbəyovun Milli Şuradan istefası barədə mətbuatdan xəbər tutmuşam. Milli Şura rəsmi qurumdursa, Rüstəm İbrahimbəyovun rəsmi müraciəti olmalıdır”.
Bunu APA-ya açıqlamasında R. İbrahimbəyovun Milli Şuranın fəxri sədrliyindən istefası barədə müraciətinə münasibətinə münasibət bildirən KXCP sədri Mirmahmud Mirəlioğlu söyləyib.
M. Mirəlioğlu deyib ki, bəlkə Milli Şuraya rəsmi müraciəti var, ancaq o bu barədə xəbərsizdir: “Rüstəm İbrahimbəyov Milli Şuranın fəxri sədrliyindən istefa veribsə, bu məsələ Milli Şuranın sessiyasında müzakirə olunmalı, sessiyada buna münasibət bildirilməlidir, mediada yox...”
M. Mirəlioğlu Milli Şurada proseslər belə davam edərsə, KXCP-nin Milli Şurada fəaliyyətini davam etdirməsi, Milli Şuraya münasibət məsələsinin partiyada müzakirəyə çıxarılacağını da qeyd edib.