Bakı - APA-Economics. “Nar Mobile” mobil operatorunun baş sponsoru olduğu ənənəvi “Breyn Rinq” intellektual yarışması AzTV-nin efirində start götürür.
Şirkətdən “APA-Economics”ə verilən məlumata görə, bu il yarışmada Azərbaycanın 16 bölgəsini təmsil edən 29 komanda iştirak edir.
“Nar Mobile”, “Kapital Bank”, “Norm Sement”, “Romantic”, “Orion Bakı”, “Nur Bakı”, “İstiqlal Bakı”, “Fortuna Bakı”, “Aypara Bakı”, “Para Bellum Baku”, “Alyans Bakı” komandaları, “Azərbaycan” klubu, Milli Aviasiya Akademiyası və Dövlət İdarəçilik Akademiyasının komandalarının qatıldığı yarışmada bu il Bərdə, Göyçay, Gəncə, Ağdaş, Ağstafa, Beyləqan, Quba, Cəlilabad, Lənkəran, Mingəçevir, Siyəzən, Xızı, Şabran, Şəki və Naxçıvanı təmsil edən bölgə komandaları iştirak edəcək.
Xatırladaq ki, GameTV.az prodüser mərkəzinin layihəsi olan “Breyn Rinq” intellektual yarışması MDB coğrafiyasında televiziya ilə yayımlanan ən baxımlı intellektual oyun hesab edilir. Yarışmaya hər bazar saat 21:30-da Azərbaycan Dövlət Televiziyasının efirində baxmaq olar.
“Nar Mobile” yarışmanın iştirakçısı olan bütün komandalara uğurlar arzulayır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
