Bakı. Viktoriya Dementyeva – APA. Bakıda “Enerji təhlükəsizliyinə kollektiv yanaşma: NATO və digər ölkələrin baxışı” mövzusunda konfrans keçirilir.
APA-nın xəbərinə görə, tədbir Azərbaycan prezidenti yanında Strateji Araşdırmalar Mərkəzi tərəfindən, NATO ilə əməkdaşlıq çərçivəsində təşkil olunub.
NATO-nun Cənubi Qafqaz üzrə zabit-koordinatoru Uilyam Lahyu üç Cənubi Qafqaz ölkəsi - Azərbaycan, Gürcüstan və Ermənistanla əməkdaşlıqlarının vacibliyini vurğulayıb.
NATO-nun Təhlükəsizlik problemləri departamentinin Enerji təhlükəsizliyi bölməsinin rəhbəri Maykl Rüle Azərbaycanla sözügedən sahədə əməkdaşlıqlarından söz açıb: “Azərbaycan enerji təhlükəsizliyi sahəsində açar ölkədir və tərəfdaş ölkə kimi NATO-nun fəaliyyətlərində təmsil olunur. Azərbaycana diqqət NATO üçün vacibdir”.
Konfransın sessiyaları çərçivəsində kollektiv təhlükəsizlik nöqteyi-nəzərdən NATO-Azərbaycan əməkdaşlığı, eləcə də Xəzər qazının Avropaya nəqli məsələləri müzakirə olunacaq. Tədbirdə NATO-nun bir sıra rəsmi şəxsləri, NATO ölkələrindən ekspertlər, Azərbaycanda akkreditə olunmuş diplomatik missiyaların rəhbərləri iştirak edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
