Bakı. Mübariz Aslanov – APA. Bu gün saat 16:15 radələrində Azərbaycanın Şirvan Milli Parkı ərazisində naməlum səbəblərdən yanğın hadisəsi baş verib.
Ekologiya və Təbii Sərvətlər Nazirliyinin (ETSN) mətbuat xidmətindən APA-ya verilən məlumata görə, yanğın zamanı güclü külək səbəbindən alov qısa müddət ərzində ətraf ərazilərə də yayılmağa başlayıb.
ETSN-in və Fövqəladə Hallar Nazirliyinin regional Yanğından Mühafizə əməkdaşlarının səyləri nəticəsində saat 17:30 radələrində yanğın lokallaşdırılıb və tam olaraq söndürülüb. Yanğın nəticəsində parkın 3 hektara yaxın ərazisində ot və kol örtüyünə ziyan dəyib.
Hazırda yanğının səbəblərinin müəyyənləşdirilməsi istiqamətində iş aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
