Bakı. Aqşin Rafiqoğlu – APA-Economics. Bu gün Oğuz Rayon İcra Hakimiyyətinin dəstəyi, Bakı Biznes Tədris Mərkəzinin (BBTM) Şəki nümayəndəliyinin təşkilatçılığı ilə Oğuz rayonunda sahibkarlar və sahibkarlıq fəaliyyətinə yeni başlayanlar üçün növbəti treninq keçirilib.
İqtisadiyyat və Sənaye Nazirliyindən “APA-Economics”ə verilən məlumata görə, “Biznes planların və investisiya layihələrinin hazırlanması” və “İqtisadiyyat və Sənaye Nazirliyi tərəfindən göstərilən elektron xidmətlər” mövzularında keçirilən treninqlərdə iştirakçılara biznes-ideyanın yaradılması, biznes-planların tərtibi, maliyyə planı və s. barədə ətraflı məlumat verilib, “Biznes planların və investisiya layihələrinin hazırlanması” mövzusunda təqdimat keçirilib.
Tədbirdə nazirlik tərəfindən göstərilən elektron xidmətlər, www.icazeler.gov.az, www.b2b.az elektron portalları və onlardan istifadə qaydaları, portalların biznesin səmərəli təşkili və inkişafı üçün yaratdığı imkanlar, həmçinin, investisiya layihələrinin maliyyələşdirilməsi ilə əlaqədar elektron idarəetmə sistemi və s. barədə məlumatlar iştirakçıların diqqətinə çatdırılıb.
Treninq çərçivəsində iştirakçılara BBTM tərəfindən hazırlanmış metodiki vəsaitlər paylanmış, onları maraqlandıran suallar cavablandırılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
