Astana. Rəşad Süleymanov-APA. Türkiyənin ASELSAN şirkətinin istehsal etdiyi “Kaplan” adlı bomba robotu Qazaxıstanın paytaxtı Astanada keçirilən KADEX-2014 beynəlxalq müdafiə sərgisində geniş marağa səbəb olub.
APA-nın məlumatına görə, ən həssas partlayıcıları belə götürüb zərərsizləşdirmək qabiliyyətinə malik olan bu robot Türkiyə milli pavilyonunda bir sıra maraqlı əməliyyatlar yerinə yetirib.
Operator uzaq məsafədən robot vasitəsi ilə xəbər agentliklərindən birinin mikrofonunu götürərək müsahibə doğru uzadıb. Sərgiyə qatılan ziyarətçilərin marağına səbəb olan bu robot barədə məlumat verən ASELSAN mütəxəssislərinin sözlərinə görə, “Kaplan” Amerikada testlərdən keçərək NATO-nun alınmasına icazə verilən məhsulları siyahısına salınıb. Hazırda Türkiyə Əmniyyət qüvvələri tərəfindən istifadə olunan “Kaplan” özünün müasir texnologiyalarına görə, xarici analoqlarından fərqlənir. Robot möhkəm tutma qabiliyyətinə malik caynağa, ön və arxa hissədə kameralara, həmçinin ərazini dinləmək üçün mikrofona malikdir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
