Bakı-APA. Keniyanın paytaxtı Nayrobidə baş vermiş partlayış nəticəsində ən azı 4 nəfər ölüb.
APA-nın İTAR-TASS agentliyinə istinadən verdiyi xəbərə görə, minalanmış avtomobil polis məntəqəsinin yaxınlığında partladılıb.
Ölənlərdən ikisi avtomobili yoxlamaq üçün saxlayan polis əməkdaşları olub.
Xatırladaq ki, martın sonunda Nayrobidə törədilən bir neçə partlayış nəticəsində 6 nəfər ölmüşdü.