Bakı. Nicat Mustafayev – APA-Economics. H.Z.Tağıyev qəsəbəsi-Sumqayıt avtomobil yolunun 7-ci kilometrində yerləşən körpüdə yaranan problem artıq aradaq qaldırılıb. Bu barədə «APA-Economics»ə Azərbaycan Nəqliyyat Nazirliyinin «Azəryolservis» ASC-nin mətbuat xidmətinin rəhbəri Pünhan Mürsəliyev məlumat verib.
Onun sözlərinə görə, iki körpünü ayıran zolaqlar birləşdirilərək ümumiləşdirilib: «Sözügedən işlər bir gün ərzində – nəqliyyat vasitələrinin hərəkəti məhdudlaşdırılmadan – həyata keçirilib. Birləşdirilən zolaqlar yeni asfalt-beton örtüyü ilə döşənib».
Qeyd edək ki, döngədə inşa olunan körpü 4 zolaqdan ibarətdir, yəni zolağın ikisi bir istiqamətdə, digər ikisi isə əks istiqamətdədir. İki körpüdən ibarət olan bu yolun uzunluğu 42 metr, eni isə 15,6 metrdir və yolun ortasında 5 sm-lik təkər qaytaranlar tikilib. Körpüdə təkər qaytaranlar dağıdılıb, bu da avtomobillərin yüksək sürətlə bu körpüdən keçmələri ilə əlaqədar olub. Belə ki, burada maksimal sürət həddi 60 km/saat olduğu halda, nəqliyyat vasitələri körpünün üzərindən nəzərdə tutulmuş sürətdən artıq hərəkət edir və bunun nəticəsində iki körpünün arasında tikilən təkər qaytaranlar dağılıb.
Martın 29-da «Azəryolservis» ASC-nin rəsmiləri tərəfindən araşdırma aparılıb və yaranan problem artıq aradan qaldırılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
