APA-nın xəbərinə görə, bunu Prezident Administrasiyasının ictimai-siyasi şöbəsinin müdir müavini Tahir Süleymanov Bakıda “Xəzər hövzəsində enerji təhlükəsizliyinin təmini və mühüm enerji infrastrukturlarının mühafizəsində NATO-nun rolu” mövzusunda keçirilən konfransda deyib.
T. Süleymanov qeyd edib ki, indiyə kimi Ermənistan tərəfi Azərbaycanın enerji infrastrukturuna, o cümədən BTC kəmərinə qarşı çoxsaylı təzyiqlərlə dolu bəyanatlar səsləndirib: “Dəfələrlə enerji infrastrukturuna qarşı təxribatlar olub. Bu təxribatların qarşısının alınmasına baxmayaraq təhdidlər hələ də qalır”.