Lənkəran. Ağəddin Babayev - APA. Lənkəranda bədbəxt hadisə baş verib.
Lənkəran Mərkəzi Rayon Xəstəxanasından (MRX) APA-nın cənub bürosuna verilən məlumata görə, hadisə ötən gün axşam saatlarında rayonun Şıxəkəran kəndində qeydə alınıb.
Kənd sakini, 1966-cı il təvəllüdlü Əlvan Xudaqulu oğlu Əliyev usta kimi işlədiyi evin damının üstündən müvazinətini itirərək yerə yıxılıb. Onu təcili Lənkəran MRX-a çatdırsalar da, həyatını xilas etmək mümkün olmayıb.
Faktla bağlı rayonun hüquq-mühafizə orqanlarında araşdırma aparılır.