Tovuz. Azər Məmmədli - APA. Tovuz rayonunda 4 nəfərin yaralanması ilə nəticələnən yol-nəqliyyat qəzası baş verib.
Tovuz rayon Polis Şöbəsindən APA-nın qərb bürosuna verilən məlumata görə, hadisə bu gün səhər saatlarında rayonun Düz Cırdaxan kəndi ərazisində baş verib.
Ağstafa rayon sakini, 1991-ci il təvəllüdlü Səlim Rəhimov idarə etdiyi “Opel” markalı avtomobillə hərəkətdə olarkən idarəetməni itirib və maşını yolun kənarına aşırıb. Qəza nəticəsində sürücü və sərnişinlər - Ağstafa rayon sakini, 1991-ci il təvəllüdlü Roman Nəcəfov, 1989-cu il təvəllüdlü Vüsal Hüseynov və hələlik kimliyi məlum olmayan 30-32 yaşlarında olan qadın müxtəlif bədən xəsarətləri ilə Tovuz Mərkəzi rayon Xəstəxanasına yerləşdirilib. Həkimlər qadının kəllə beyin travması aldığını, hazırda özündə olmadığını bildiriblər.
Faktla bağlı Tovuz rayon Polis Şöbəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
