Bakı-APA. Meksikanın Sakatekas ştatında baş prokurorluğa məxsus kiçik mühərrikli təyyarə qəzaya uğrayıb, nəticədə 6 nəfər həlak olub.
APA-nın “RİA Novosti”yə istinadən verdiyi xəbərə görə, Sakatekas ştatının prokuroru açıqlamasında qeyd edib ki, qəza nəticəsində təyyarənin göyərtəsində olan 6 nəfər həlak olub. Qəzanın səbəbləri barədə açıqlama verilmir.
Prokuror qeyd edib ki, ölkənin baş prokuroru Xesus Murilyo Karam bir müddət əvvəl məhz qəzaya uğramış təyyarədə Sakatekas ştatına səfər edib.