Bakı-APA. Macarıstan polisi Debretsen şəhərindəki qaçqın düşərgəsində iğtişaşı dayandırmaq məqsədilə gözyaşardıcı qazdan istifadə edib. APA-nın “RİA Novosti”yə istinadən verdiyi xəbərə görə, bu barədə Delmagyar nəşri məlumat yayıb.
Məlumata görə, 100-dək miqrant bu gün düşərgənin yanından avtomobilləri daş-qalaq edib və zibil qutularını yandırıb.
Qeyd edək ki, Macarıstanın baş naziri Viktor Orban bundan əvvəl bəyan edib ki, Yunanıstan və İtaliya yox, məhz onun ölkəsi qaçqın axınına məruz qalıb. Məlumata görə, ilin əvvəlindən ölkəyə 60 mindən çox afrikalı miqrant daxil olub. Qanunsuz miqrantların əksəriyyəti Macarıstanın ərazisindən daha çox yardımların verildiyi Avstriya və ya Almaniyaya getmək üçün istifadə etməyə çalışır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
