Quba. Vəli Turan - APA. Quba rayonunda yerləşən 18-ci əsrin sonu 19-cu əsrin əvvəllərində inşa olunan “Gümbəzli hamam” tarixi abidəsinin təmirə ehtiyacı var. Quba rayon turizm və mədəniyyət şöbəsindən APA-ya verilən məlumata görə, tarixi abidə 1986-1987-ci illərdə restavrasiya olunub. 1985-ci ilə qədər tarixi abidə hamam kimi fəaliyyət göstərib.
Şöbədən bildirilib ki, abidənin bərpasını həyata keçirmək istəyən qeyri-hökumət təşkilatının nümayəndələri Mədəniyyət və Turizm Nazirliyinin əməkdaşları ilə birlikdə əraziyə baxış keçirib. Təmir olunduqdan sonra “Gümbəzli hamam”ın təyinatı üzrə istifadə edilməyəcək. Burada Quba rayonunun sənətkarlarının əl işləri sərgilənəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
