Bakı. Fuad Cəfərov - APA. Sumqayıtda yaşayış evində baş verən yanğın zamanı 2 nəfər tüstüdən zəhərlənib.
APA-nın Fövqəladə Hallar Nazirliyinin saytına istinadən verdiyi məlumata görə, Sumqayıt şəhərində, beşmərtəbəli yaşayış binasının 1-ci mərtəbəsində vətəndaşa məxsus ümumi sahəsi 50 kv. m olan 3 otaqlı mənzilin 1 otağının, dəhlizinin yanar konstruksiyaları və ev əşyaları 20 kv. m sahədə, 2-ci mərtəbəsində vətəndaşa məxsus ümumi sahəsi 50 kv. m olan 3 otaqlı mənzilin eyvanının pəncərəsi qismən yanıb.
Yanğın zamanı 15 nəfər yanğınsöndürənlər tərəfindən binadan təxliyə olunub. 2 nəfər sakin tüstüdən zəhərlənib və Təcili Tibbi Yardım Stansiyasının həkimləri tərəfindən xəstəxanaya aparılıb. Mənzilin qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.