Bakı.Türbət Bağırova-APA. Azərbaycanın Fransadakı səfirliyi Nitsa şəhərində törədilən terror aktı nəticəsində ölən və yaralılar arasında Azərbaycan vətəndaşlarının olub-olmamasını Fransa hakimiyyət orqanları vasitəsilə araşdırır.
Bu barədə APA-ya Azərbaycan XİN sözçüsü Hikmət Hacıyev bildirib. O qeyd edib ki, zərurət olduğu təqdirdə Azərbaycanın Nitsadakı vətəndaşları Fransadakı səfirliyin konsulluq bölməsinə müraciət edə bilərlər.