Bakı. Rüfət Əhmədzadə – APA. “Ukraynanın bloklara qoşulmayan ölkə statusu bu həftə ləğv ediləcək”.
APA-nın UNİAN-a istinadən verdiyi məlumata görə, bunu Ukrayna Ali Radasının sədri Vladimir Qroysman deyib.
O xatırladıb ki, prezident Pyotr Poroşenko sözügedən qanun layihəsini parlamentə “təxirəsalınmaz” sənəd kimi göndərib: “Mən ümid edirəm ki, biz bu həftə məsələni nəzərdən keçirəcəyik və buraxılmış səhvi düzəldəcəyik. Ukraynanın bloklardan kənar ölkə statusuna malik olması məqsədəuyğun deyil”.
Qeyd edək ki, Ukrayna 2010-cu ildən bəri bloklardan kənar ölkə statusunu daşıyır. Prezident P. Poroşenko bu statusun ləğv edilməsi ilə bağlı qanun layihəsini bu il dekabrın 18-də Ali Radaya təqdim edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
