Bakı. Şamil Əlibəyli - APA. Cənubi Afrika Respublikasının keçmiş prezidenti, aparteidlə mübarizənin lideri, 94 yaşlı Nelson Mandela xəstəxanaya yerləşdirilib.
APA-nın “RBK” agentliyinə istinadən verdiyi məlumata görə, bu barədə CAR prezidenti Ceykob Zumanın administrasiyası bildirib.
Məlumata əsasən, N.Mandela ağciyər infeksiyası ilə əlaqədar xəstəxanaya yerləşdirilib.
Qeyd edək ki, 2012-ci ilin yanvarında N.Mandela ağciyər xəstəliyinin törətdiyi residivə görə üç həftə ərzində Pretoriyanın ən yaxşı xəstəxanaların birində müalicə alıb.