Bakı. Pərvin Abbasov – APA. Azərbaycanda siyasi partiyada üzvlüyə məcbur edən şəxslər cəzalandırılacaqlar. APA-nın məlumatına görə, onlar hətta azadlıqdan məhrum edilə bilərlər. Məsələ Milli Məclisin Hüquq siyasəti və dövlət quruculuğu Komitəsinin bugünkü iclasında müzakirəyə çıxarılıb.
İclasda Cinayət Məcəlləsinə (CM) müvafiq əlavənin edilməsi təklif olunub.
CM-ə əlavə olunan 169.1 maddəsində siyasi partiyaya daxil olmağa və ya onun üzvlüyündə qalmağa məcbur etməyə görə min manatdan üç min manatadək miqdarda cərimə və ya 2 ilədək müddətə islah işləri və ya 2 ilədək müddətə azadlıqdan məhrum etmə ilə cəzalandırılması əksini tapıb.
Müzakirələrdən sonra layihə parlamentin plenar iclasına tövsiyə olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
