Bakı-APA. Şabranda yanğın hadisəsi qeydə alınıb.
APA-nın FHN-nin saytına istinadən verdiyi xəbərə görə, yanğın Şabran şəhərində sahəsi 42 kv.m olan tikilidə baş verib. Nəticədə tikilinin yanar konstruksiyaları, ümumi sahəsi 200 kv.m olan tikilinin çardağının yanar konstruksiyaları 3 kv.m sahədə və yaxınlıqda dayanmış vətəndaşa məxsus “Mercedes” markalı yük avtomobilinin yanar hissələri yanıb.
Tikilinin qalan hissəsi və yaxınlıqdakı müxtəlif təyinatlı tikililər yanğından mühafizə olunub. Yanğın saat 04:40-da yanğınsöndürənlər tərəfindən söndürülüb.
Siyəzən şəhərində vətəndaşa məxsus ümumi sahəsi 275 kv.m olan birmərtəbəli 4 otaq və aynabənddən ibarət evin aynabəndinin yanar konstruksiyaları və ev əşyaları 27 kv.m sahədə yanıb. Evin qalan hissəsi yanğından mühafizə olunub. Yanğın saat 05:12-də yanğınsöndürənlər tərəfindən söndürülüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
