Bakı-APA. Suriya həbsxanalarında 300-dən artıq müxaliflərin tərəfində döyüşmüş səudiyyəli «Əl-Qaidə» üzvü var. Bu barədə APA Suriya əl-Ən agentliyinə istinadən məlumat verir. Məlumata əsasən, ən azı 500 səudiyyəli isə müxaliflərin tərəfində döyüşməkdə davam edir.
Dəməşq və Ər-Riyad arasında rəsmi səviyyədə əlaqələrin kəsilməsini nəzərə alaraq məhbusların və həlak olmuş səudiyyəlilərin cəsədlərinin Səudiyyə Ərəbistanına verilməsi ərəb şeyxlərinin vasitəçiliyi ilə aparılır.
Səudiyyə Ərəbistanı DİN-in rəsmi nümayəndəsi Mənsur ət-Türki barələrində axtarış elan olunmuş «Əl-Qaidə» üzvlərinin Suriyaya keçdiklərini bildirib. Onun sözlərinə görə, «Suriyada döyüşmüş şər kəs, sərhədi keçən kimi Səudiyyə rəsmiləri tərəfindən həbs ediləcək».
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
