Bakı. Yeganə Laçınzadə - APA-Economics. Azərbaycan Mərkəzi Bankı (AMB) manatın bu günə olan rəsmi məzənnəsini açıqlayıb.
AMB-dən "APA-Economics"ə verilən məlumata görə, ABŞ-ın milli valyutası olan dolların manata qarşı məzənnəsi iyul ayının 12-si ilə müqayisədə 0,2% artaraq 1,5549 manat təşkil edib.
Avro da manata nisbətən bahalaşıb. Avrozonanın vahid valyutası manata nisbətən 0,7% möhkəmlənərək 1,7203 manat olub.
Əsas ticarət tərəfdaşlarımızdan biri olan Rusiyanın milli valyutası rubl manata nisbətən 0,4% möhkəmlənərək 0,0243 manat səviyyəsinə yüksəlib.
Türkiyə lirəsi manata nisbətən bahalaşıb. Belə ki, qardaş ölkənin milli valyutası 0,5% artaraq 0,5376 manata çatıb.
Rəsmi məzənnəyə əsasən, 1 ingilis funt sterlinqi 2,0691 manatdır. Beləliklə, funt sterlinq manata qarşı 2%-lik bahalaşma nümayiş etdirib.
Gürcüstan larisinin məzənnəsi isə 0,2% artaraq 0,6631 manata yüksəlib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
