Bakı. Məlahət Nəcəfova-APA. Burada olduğum müddətdə bir sıra Britaniya şirkətləri ilə, o cümlədən BP şirkətinin rəsmiləri ilə görüşdüm. İnanıram ki, burada daha çox Böyük Britaniya şirkətləri fəaliyyət göstərəcək".
APA-nın məlumatına görə, bu sözləri jurnalistlərə açıqlamasında Böyük Britaniya baş nazirinin ticarət üzrə elçisi Baronessa Emma Nikolson deyib.
O bildirib ki, Britaniya şirkətləri burada işləməkdən məmnun olduqlarını bildiriblər: "Böyük Britaniya ilə Azərbaycan arasında əlaqələr güclüdür. İki ölkə arasında ticarət dövriyyəsi çox yaxşı səviyyədədir. Burada Birləşmiş Krallığın 400 şirkət fəaliyyət göstərir. Onların arasında ən böyük sərmayəçi BP-dir. Əsas məqsədimiz odur ki, iki ölkə arasında ticarət dövriyyəsini bir neçə dəfə artıraq. Azərbaycan prezidenti bu günkü görüşdə o inkişafını arzuladığı sahələrdən biri kimi turizmin adını çəkdi. Britaniya bu gün turizm sahəsində çox inkişaf edib. Düşünürəm ki, əlaqələrimizin inkişafı Azərbaycanda turizmin inkişafına təkan verəcək".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
