Bakı. Yeganə Laçınzadə - APA-Economics. “Atəşgah Həyat Sığorta” ASC ötən il aktivlərini artırıb.
“APA-Economics” şirkətin saytında yer alan hesabata əsasən xəbər verir ki, “Atəşgah Həyat Sığorta”nın məcmu aktivləri 2013-cü il ilə müqayisədə 19,20% artaraq 52 mln. 388 min 830,79 manat olub.
Hesabat dövründə şirkətin öhdəlikləri 12,12% artaraq 42 mln. 961 min 893,07 manata çatıb.
Ötən ilin sonuna şirkətin nizamnamə kapitalı 62,50% artaraq 6 mln. 500 min manat, məcmu kapitalı isə 67,32% artaraq 9 mln. 426 min 937,72 manat təşkil edib.
2014-cü ildə “Atəşgah Həyat Sığorta”nın cəmi gəlirləri 37 mln. 103 min 320,83 manat, cəmi xərcləri 35 mln. 323 min 109,76 manat olub.
Şirkət ötən ili 1 mln. 424 min 168,86 manatlıq xalis mənfəətlə başa vurub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
