APA-nın məlumatına görə, əslən Dəməşqdən olan Əl-Hahib Suriyanı üç ay əvvəl tərk edib. Suriya müxalifətini birləşdirmək ideyası ilə çıxış edən məşhur dissident Riyad Seyf və Suhair əl-Atassi isə Suriya Milli Koalisiyasının vitse-prezidentləri seçiliblər.
Bazar günü imzalanmış sazişdə bildirilir ki, Suriya Milli Koalisiyası bütün müxalifət qruplaşmaları üçün açıqdır və bu koalisiya beynəlxalq səviyyədə tanındıqdan sonra keçid hökumətinin formalaşdırılması ilə məşğul olacaq.