Daxili siyasət

Ana səhifə

Daxili siyasət

AMİP rəhbərliyi Avropa Xalq Partiyasının qurultayında iştirak edir

17 oktyabr 2012 13:32 (UTC +04:00)

Bakı. Ramil Məmmədli – APA. Azərbaycan Milli İstiqlal Partiyasının (AMİP) rəhbərliyi Avropa Xalq Partiyasının (AXP) qurultayında iştirak edir.

Partiyanın mətbuat xidmətindən APA-ya verilən məlumata görə, AMİP sədri Yusif Bağırzadə, baş katib Arzuxan Əlizadə, beynəlxalq məsələlər üzrə katib Elşən Mustafayev AXP-nin Rumıniyanın paytaxtı Buxarest şəhərində keçirilən növbəti qurultayında iştirak edirlər.

Səfər AXP-nin rəsmi dəvəti ilə baş tutub. Səfər çərçivəsində bir sıra görüşlərin keçirilməsi də nəzərdə tutulub. Bunadək isə AMİP rəhbərliyi AXP-nin Avropa komissiyasının sahibkarlıq və sənaye üzrə məsul vitse-prezidenti Antonio Tajani, AXP-nin baş katibi Antonio Lopez-Isturiz və partiyanın digər rəsmi şəxsləri ilə, həmçinin qurultayın işində iştirak edən Slovakiya, İspaniya, İsveç, Portuqaliyadan olan nümayəndə heyətinin rəhbərliyi ilə ikitərəfli görüşlər keçirib. Görüşlərdə AMİP-in AXP-yə üzvlüyü, partiyalar arası əməkdaşlıq və digər məsələlər müzakirə edilib.

Oktyabrın 17-də AMİP nümayəndə heyəti Avropa Araşdırmalar Mərkəzinin təşkilatçılığı ilə keçirilən "Daha güclü Avropa Birliyi: Sadə bazardan davamlı rəhbərliyə" mövzusunda keçirilən dəyirmi masada iştirak edib.