Bakı. Vahab Rzayev – APA-Economics. Azərbaycanda fəaliyyət göstərən kommersiya bankları 2014-cü ilin yanvar ayında 52,85 mln. manat həcmində vergi ödənilənədək mənfəət qazanıb. Azərbaycan Mərkəzi Bankından «APA-Economics»ə verilən məlumata görə, bu, 2013-cü ilin yanvar göstəricisi ilə müqayisədə 22,39 mln. manat və ya 73,5% çoxdur.
Yanvar ayı ərzində bankların faiz gəlirləri 160,57 mln. manat, faiz xərcləri 76,37 mln. manat təşkil edib və nəticədə, faiz mənfəəti 84,20 mln. manata bərabər olub. Eyni zamanda bankların qeyri-faiz gəlirləri 34,36 mln. manat, qeyri-faiz xərcləri isə 61,93 mln. manat təşkil edib ki, bunun nəticəsində qeyri-faiz əməliyyatları üzrə 27,57 mln. manat həcmində zərər yaranıb.
Qeyd edək ki, faiz mənfəəti illik müqayisədə 23,81 mln. manat və ya 39,4% artıb, qeyri-faiz zərəri isə 1,31 mln. manat və ya 4,5% azalıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
