Bakı. Real Cəfərli - APA. Atom Enerjisi üzrə Beynəlxalq Agentliyin (AEBA) İranın nüvə proqramı ilə bağlı bu gün yayacağı gözlənilən növbəti rüblük hesabatının detalları məlum olub.
APA-nın “Mehr” xəbər agentliyinə istinadən verdiyi məlumata görə, sənəddə bildirilir ki, İran 2013-cü ilin noyabrın 24-də Cenevrə şəhərində əldə olunmuş müvəqqəti razılaşmaya indiyədək sadiq qalmaqla özünün bəzi nüvə fəaliyyətlərini dayandırıb: “İran nüvə razılaşmasının bütün müddəalarına əməl edib”. Hesabatda həmçinin İranın AEBA ilə yaxından əməkdaşlıq etdiyi də vurğulanır.
Qeyd edək ki, mayın 21-də Tehranda İranla AEBA arasında əməkdaşlığın davam etdirilməsi barədə 5 maddəlik razılaşma əldə olunub. Sənəddə həmin praktiki addımların avqustun 25-dək həyata keçirilməsinin planlaşdırıldığı qeyd olunub. Həmin 5 praktik addımdan üçü mövcud cari məsələlər, ikisi isə keçmiş məsələlərlə bağlıdır. İran indiyədək AEBA ilə əldə etdiyi iki razılaşma ilə 13 praktiki addımı icra edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
