Bakı. Şəhriyar Əlizadə - APA. Bu gün Azərbaycan Dillər Universitetinin (ADU) İctimaiyyətlə əlaqələr və Mətbuat xidməti şöbəsinin yaranmasının 5 illiyi münasibətilə tədbir keçirilib. APA-nın məlumatına görə, tədbirdə universitetin rektoru Səməd Seyidov çıxış edib. O, bildirib ki, universitetin Mətbuat xidməti şöbəsini ötən beş il ərzində aktiv fəaliyyət göstərib. S. Seyidov həmin şöbənin bu gündən etibarən ləğv edildiyini və əvəzində İctimaiyyətlə Əlaqələr departamentinin yaradılmasının nəzərdə tutulduğunu da bildirib.
Daha sonra tədbirdə Mətbuat Şurasının sədri Əflatun Amaşov, Azərbaycan Jurnalistlər Birliyinin sədri Elçin Şıxlı çıxış edərək təbriklərini çatdırıblar.
Tədbirin sonunda ADU-nun fəaliyyətini geniş işıqlandıran mətbuat nümayəndələri mükafatlandırılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
