Bakı. Musa Əhmədov – APA-Economics. Bu ilin sonuna qədər “Çartis Azərbaycan” sığorta şirkəti Azərbaycanın sığorta bazarını tərk edəcək.
Şirkətdən “APA-Economics”ə verilən məlumata görə, artıq “Çartis Azərbaycan” yeni sığorta müqavilələrinin bağlanmasını dayandırıb. Şirkət hazırda indiyə qədər bağladığı müqavilələr üzrə öhdəliklərini yerinə yetirməklə məşğuldur.
Qeyd edək ki, 2013-cü ilin nəticələrinə görə, “Çartis Azərbaycan” cəmi 927.6 min manat sığorta haqqı yığıb, 412.8 min manat ödəniş edib. Sığorta haqlarının yığımına görə, şirkətin bazar payı 0.03% təşkil edib.
Xatırladaq ki, 2011-ci ilə qədər “Çartis Azərbaycan” sığorta şirkəti “AIG Caspian” adlanırdı. Şirkət “American International Group, Inc.” şirkətinə daxildir. Hazırda “Çartis Azərbaycan”nın nizamnamə kapitalı 6 786 500 manat təşkil edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
