APA-nın RİA "Novosti”yə istinadən verdiyi məlumata görə, bunu Rusiya Hərbi-Dəniz Donanmasının komandanı, admiral Viktor Çirkov deyib.
Onun sözlərinə görə, sözügedən təlimlərdə Rusiya ilə yanaşı Azərbaycan və Qazaxıstanın hərbi-dəniz qüvvələri iştirak edəcək.
V. Çirkov əlavə edib ki, təlimlərdən biri üçtərəfli (Rusiya, Azərbaycan və Qazaxıstan), digəri isə ikitərəfli (Rusiya-Azərbaycan) olacaq.
“Təlimlər zamanı Xəzər dənizi akvatoriyasında təhlükəsizliyə təhdidlərin aradan qaldırılması və sabitliyin möhkəmləndirilməsi üçün qarşılıqlı əlaqə ilə bağlı bir sıra məsələlər nəzərdən keçiriləcək”, - deyə o vurğulayıb.
Qeyd edək ki, avqustun 3-dən 11-dək Xəzər dənizində “Xəzər Kuboku 2015” və “Xəzər derbisi 2015” donanma müsabiqələri keçirilir. Müsabiqələrdə Azərbaycan hərbi-dəniz qüvvələri də iştirak edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
