Bütün Rusiyanın və Moskva patriarxı Kirillin təşkilatçılığı ilə Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadə və bütün ermənilərin katolikosu II Qaregin arasında görüşdə müzakirə olunacaq bəzi məsələlər məlum olub.
APA-nın məlumatına görə, Allahşükür Paşazadənin rəhbərlik etdiyi nümayəndə heyəti sentyabrın 7-də Moskvaya yola düşəcək.
Görüşdə əsasən Dağlıq Qarabağ münaqişəsi ətrafında fikir mübadiləsi aparılacaq.
Dini liderlər münaqişənin dini müstəviyə keçməməsi, o cümlədən münaqişə ilə əlaqədar baş verən gərginliklərin təkrarlanmaması, problemin həllinə dini liderlərin hansı töhfələri verə biləcəyinə dair məsələləri müzakirə edəcəklər.
QMİ mətbuat xidmətindən də belə bir görüşün keçiriləcəyini təsdiqləyiblər.
Qeyd edək ki, əvvəllər də dini liderlərin bu formatda görüşləri keçirilib.
***
saat 12.07
Qafqaz Müsəlmanları İdarəsinin sədri Allahşükür Paşazadə ilə bütün ermənilərin katolikosu II Qaregin arasında görüş olacaq.
APA-nın “news.am”a istinadən verdiyi məlumata görə, Eçmiədzin kilsəsinin mətbuat katibi Vaqram Melikyan bildirib ki, görüşün sentyabrın 8-i Moskvada keçirilməsi gözlənilir.
Görüşü Moskva və bütün Rusiyanın patriarxı Kirill təşkil edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
