İFFHS klubların dünya reytinqini açıqlayıb.
Apasport.az xəbər verir ki, cədvəldə planetin 415 klubu yer alıb.
Azərbaycandan siyahıya üç klub düşüb. Son çempion “Qarabağ” 144,5 xalla dünyanın 61-cisidir. Qurban Qurbanovun baş məşqçisi olduğu komanda ötən ayla müqayisədə 3 pillə irəliləyib.
“Sabah” 63,5 xalla 302-ci yerdə qərarlaşıb. Murad Musayevin yetirmələri 16 pillə geriləyib.
“Neftçi” siyahıda 318-cidir. 61,75 xala malik Adrian Mutunun komandası 7 pilləlik eniş yaşayıb.
Qeyd edək ki, cədvələ 304 xala malik “Mançester Siti” başçılıq edir.