Dünyanın ən yaxşı məşqçilərinin reytinqi açıqlanıb.
Apasport.az saytının məlumatına görə, siyahıda fəaliyyətini davam etdirən 500 ən yaxşı mütəxəssis yer alıb.
Son 4 ilin nəticələrinə əsasən tərtib olunan cədvəldə yeganə azərbaycanlı məşqçi Qurban Qurbanovdur. “Qarabağ”ın çalışdırıcısı 1595 xalla 204-cü yerdə qərarlaşıb.
51 yaşlı mütəxəssis ötən cədvəllə müqayisədə 1 pillə irəliləyişə nail olub.
Azərbaycan Premyer Liqasında çalışan daha bir mütəxəssis cədvəldə yer alıb. “Neftçi”nin rumıniyalı baş məşqçisi Laurentsiu Regekampf 1627 xalla 174-cüdür. Legioner mütəxəssisin mövqeyi dəyişməz qalıb.
Qeyd edək ki, ilk “üçlük” dəyişməz qalıb. Siyahıya Pep Qvardiola (2194) başçılıq edir. Yurgen Klopp (2112) və Joze Mourinyo (2063) liderin ən yaxın izləyiciləridir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
