Bakı. Zümrüd Paşayeva – APA. Beynəlxalq koalisiya tərəfindən İŞİD-in Suriyadakı mövqelərinə endirilən aviazərbələr nəticəsində indiyədək 865 adam ölüb.
APA-nın məlumatına görə, bu barədə “Syrian Observatory for Human Rights” monitorinq qrupunun yaydığı hesabatda bildirilir.
Sənəddə qeyd olunur ki, ölənlər arasında 50 nəfər mülki şəxsdir, 68 nəfər “Əl-Qaidə”nin Suriya qanadı olan “Əl-Nusra cəbhəsi”nin üzvüdür, qalanlar isə İŞİD silahlılarıdır.