Hadisə

Ana səhifə

Hadisə

Ötən il Bakıda həbs olunan Müstəqil Türkiyə Partiyasının sədr müavininin apellyasiya şikayəti üzrə ilkin baxış keçirilib

15 iyul 2008 14:54 (UTC +04:00)

Bakı. Hacı Zeynalov - APA. Bu gün Bakı Apellyasiya Məhkəməsində hakim Sahibxan Mirzəyevin sədrliyi ilə ötən ilin oktyabırnda Bakıda həbs edilmiş Müstəqil Türkiyə Partiyasının sədr müavini Mehmet Harun Kayaçı, onunla birlikdə həbs edilmiş Türkiyə vətəndaşı Gökhan Dəmir və Azərbaycan vətəndaşı Lənkəran Səfərov barəsində Yasamal Rayon Məhkəməsinin hökmündən verilmiş apellyasiya şikayəti üzrə məhkəmənin hazırlıq iclası keçirilib.
Bu barədə APA-ya məhkəmədən məlumat verilib. Məhkəmə baxışı iyulun 24-nə təyin olunub.
Qeyd edək ki, M. Kayaçı və L. Səfərov Yasamal Rayon Məhkəməsinin hökmü ilə islah işlərinə məhkum ediliblər. G. Dəmir isə şərti maliyyə vahidin 500 misli məbləğində cərimələnib. Ancaq adı çəkilən şəxslər tam bəraət istəyirlər. Təqsirləndirilən şəxslər Cinayət Məcəlləsinin 168.1-ci (dini məzhəbləri yaymaq və dini ayinlərin icrası adı altında fəaliyyət göstərən ictimai asyişi pozma, yaxud vətəndaşların sağlamlığına zərər vuran və ya formasından asılı olmayaraq vətəndaşların hüquqlarını pozan, habelə vətəndaşların qanunla müəyyən edilmiş vəzifələrini yerinə yetirməkdən yayındıran qrup təşkil etmə, ona rəhbərlik etmə) maddəsi ilə ittiham olunublar.