Hadisə

Ana səhifə

Hadisə

Dəvəçinin Dağ Bilici kəndində iki bacını qətlə yetirən Təvəkkül, Elnur və Elçin İsmayılov qardaşlarının işi məhkəməyə göndərilib

17 iyul 2008 13:36 (UTC +04:00)

Bakı. Hacı Zeynalov-APA. Ötən il Dəvəçi rayonunun Dağ Bilici kənd sakinləri 14 yaşlı Nailə və 7 yaşlı Reyhanə Məcidova bacılarını qətlə yetirməkdə ittiham olunan Qələgah kənd sakinləri - Təvəkkül, Elnur və Elçin İsmayılov qardaşlarının cinayət işi Baş Prokurorluğun Ağır Cinayətlərə Dair İşlər üzrə İstintaq İdarəsində yekunlaşdırılaraq, baxılması üçün məhkəməyə göndərilib. Ağır Cinayətlərə Dair İşlər üzrə Məhkəmədən APA-ya verilən məlumata görə, cinayət işi hakim Əhməd Quliyevin icraatına verilib. Qeyd edək ki, təqsirləndirilən şəxslər Cinayət Məcəlləsinin 120.2.7-ci (iki və daha çox şəxsi qəsdən öldürmə), isə 149-cu (zorlama) maddəsi ilə ittiham olunurlar. Ötən il avqustun 6-da Dəvəçi rayonunun Qələgah kəndinin sakinləri Təvəkkül və Elnur İsmayılov qardaşları 14 yaşlı Nailə və 7 yaşlı Reyhanə Məcidovaları qaçırıblar. Onlar bacıları öldürdükdən sonra Samur-Abşeron kanalına atıblar. Bacılardan biri - 14 yaşlı Nailə Məcidovanın meyiti avqustun 9-da Samur-Abşeron kanalının Siyəzən istiqamətindən tapılsa da, Reyhanənin meyiti hələ də tapılmayıb.