Hadisə

Ana səhifə

Hadisə

Müğənni Xumar Qədimova istintaqa ifadəsində Emin Əmirovun ona 280.000 dollarlıq ev aldığını etiraf edib

19 iyul 2008 10:02 (UTC +04:00)

APA-nın məlumatına görə, qalmaqalda zərərçəkmiş kimi adı hallandırılan millət vəkili Fərhad Qəribovun oğlu, Debüt Bankın Müşahidə Şurasının sədri Rəşad Qəribovla bağlı məsələyə aydınlıq gəlib. Lakin bu gün yerli mətbuatda məsələdə adı hallandırılan müğənni Xumar Qədimovanın özü və yaxınları onun Emin Əmirov adlı şəxs tanımadığını söyləyiblər. Məsələ ondadır ki, lent.az portalı ittiham aktını əldə edib. İttiham aktında Xumar ittifaq qızı Qədimovanın ifadəsi var.

Müğənni ifadəsində göstərib ki, E.Əmirovla təxminən 3-4 il münasibət saxlayıb və Eminlə söhbətində ona yeni tikilmiş yüksək mərtəbəli binalardan birində mənzil alması üçün köməklik etməsini xahiş edib. 2007-ci ilin əvvəllərində Emin ona Bakı şəhəri Nərimanov rayonu Təbriz küçəsi ev 98 “A”, mənzil 13 ünvanında yerləşən evi almaq üçün köməklik göstərib. O, tikinti şirkətinə 280.000 ABŞ dolları verərək, həmin evi alıb. Evi aldıqdan sonra Emin ondan evi banka girov qoyaraq pul götürməsi üçün mənzili onun adına rəsmiləşdirməsini xahiş edib. Emin Əmirov həmin vaxt pula ehtiyacı olduğunu bildirib. O da Eminlə dost münasibətində olduğu üçün razılaşıb. Belə ki, o, evi təmir etdikdən sonra ora köçüb, lakin daşınmaz əmlakın reyestr xidmətində evə dair şəhadətnamə alınarkən həmin ev E.Əmirovun adına rəsmiləşdirilib. Daha sonra E.Əmirov ona məxsus evi “Texnikabank”ın Paytaxt filialına girova qoyaraq, kreditə pul götürüb. Lakin X.Qədimova həmin pulun məbləğini bilməyib. Emin evi banka girov qoyana qədər həmin evə dair bütün hüquqları baş etibarnamə ilə ailəvi sürücüsü Ramazana həvalə edib.

Müğənni istintaqa onu da söyləyib ki, Eminin həbsindən sonra bank işçiləri onu narahat etməyə başlayıblar. Belə ki, bank işçiləri həmin evdə faktiki olaraq onun yaşamasını əsas gətirərək, kreditin faizlərini ödəməsini tələb ediblər. O da çıxılmaz vəziyyətdə qaldığı üçün həmin evi alqı-satqı yolu ilə almaq qərarına gəlib. Çünki bank birinci olaraq həmin evi almağı ona təklif edib. X.Qədimova da Ramazandan evi almaq qərarına gəlib.

O, E.Əmirovun onun konsertlərinin təşkil olunmasında sponsorluq etməsinin şayiə olduğunu bildirib, deyib ki, onun sponsoru öz sənətidir.