Hadisə

Ana səhifə

Hadisə

Goranboy və Xaçmazda baş verən avtomobil qəzalarında 3 nəfər ölüb

20 avqust 2008 10:40 (UTC +04:00)

Bakı – APA. Bu gecə Goranboy rayonunun Cilli Borsunlu kəndində iki nəfərin ölümü ilə nəticələnən avtomobil qəzası baş verib. Daxili İşlər Nazirliyinin mətbuat xidmətindən APA-ya verilən məlumata görə, Naftalan şəhər sakini Xəyal Əliyev idarə etdiyi "KİA" markalı avtomaşını aşırıb. Nəticədə xəsarət almış X. Əliyev və sərnişinlər, Naftalan şəhər sakinləri Şahin Sarıyev, Ceyhun Rəsulov, Vasif Hüseynov xəstəxanaya yerləşdiriliblər. Ş. Sarıyev və C. Rəsulov xəstəxanada keçiniblər.

Daha bir yol-nəqliyyat hadisəsi Xaçmaz rayonunun Armudpadar kəndində olub. Kənd sakini Yunis Gebekbekovun idarə etdiyi "Kamaz" markalı və Qaraqurtlu kənd sakini Eldar Əsgərbəylinin idarə etdiyi "VAZ-2106" markalı avtomaşınlar toqquşub. Nəticədə xəsarət almış E.Əsgərbəyli və sərnişinlər, Xaçmaz rayon sakinləri Rəhman Ağayev, Asəf Seyidzadə xəstəxanaya yerləşdiriliblər. R.Ağayev orada ölüb. Hər iki faktla bağlı araşdırma aparılır.