Bank Of Baku

Sankt-Peterburqda Azərbaycan vətəndaşı qətlə yetirilib

Sankt-Peterburqda Azərbaycan vətəndaşı qətlə yetirilib
# 24 sentyabr 2008 12:10 (UTC +04:00)
Bakı. Hafiz Heydərov-APA. Sankt-Peterburq şəhərinin Nevski rayonunda Azərbaycan vətəndaşı qətlə yetirilib. APA-nın Rusiya mətbuatına istinadən məlumatına görə, 38 yaşlı Azərbaycan vətəndaşı Ahuzər Kərimovun meyiti dünən səhər saat 06.30-da 3 bıçaq yarası ilə şəhərin Tkaçi küçəsində aşkar edilib. A. Kərimov Peterburqda qeydiyyatsız yaşayıb. O, sentyabrın 22-si axşam öz dostu ilə Babuşkino 23 unvanında yaşayan bir qadının evinə qonaq gedib. Gecə saat 1-də A. Kərimov dostunu qadının yanında qoyub, ozü həmin küçədə yerləşən “Şaverme” qəlyanaltısına gedib və saat 4-ə qədər orada qalıb. Bu faktı qəlyanaltıda işləyən 2 Tacikistan vətəndaşı da təsdiq edib. Tkaçi küçəsindəki məktəbin binası üzərində qurulan izləmə kamerası saat 04.30-da Kərimovu qeydə alıb.
Qeyd olunub ki, A. Kərimov boyun hissəsi, sağ körpücük sümüyü və üzündən bıçaqlanıb. Faktla bağlı Rusiya Feredasiyasının Cinayət Məcəlləsinin 105-ci maddəsinin 1-ci bəndi ilə cinayət işi açılıb, araşdırma aparılır.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR