Respublika Hərbi Prokurorluğunda Lokal Kompüter Şəbəkəsi yaradılıb
14 fevral 2007 10:10 (UTC +04:00)
Respublika hərbi prokurorun əmri ilə vətəndaşların müraciətlərinə baxılması üzrə Respublika Hərbi Prokurorluğunda Lokal Kompüter Şəbəkəsi yaradılıb. Respublika Hərbi Prokurorluğundan APA-ya verilən məlumata görə, hərbi prokuror Xanlar Vəliyevin hərbi prokurorluq orqanlarında vətəndaşların müraciətlərinə baxılması işinin daha da təkmilləşdirilməsi haqqında əmri ilə hərbi prokurorluqda vətəndaşların dərhal qəbul edilməsi və onların müraciətlərində qaldırılmış məsələlərin operativ və obyektiv həllini təmin edilməsi üzrə prosedur qaydalar təsdiq olunub. Respublika Hərbi Prokurorluğunda müraciətinə baxılan hər bir vətəndaş ona göndərilən bildirişdəki rekvizitlər əsasında şəbəkə vasitəsilə ərizəsi üzrə bütün məlumatlarla tanış ola, istədikdə müvafiq şöbənin prokuroruna müraciət etməklə, ona lazım olan sənədlərin surətini əldə edə bilər. Hərbi Prokurorluqda quraşdırılan vahid sistem baxılan müraciətlərin həlli prosesi barədə zəruri məlumatları əldə etməyə, ərizə və şikayətlərə baxılması məsələlərini tənzimləməyə və bu işə gündəlik nəzarəti həyata keçirməyə imkan verəcək. /APA/
Hadisə
Motosikletlə avtoxuliqanlıq edən sürücü həbs edilib
16:47
21 may 2024
Ağdərədə mina partlayışı nəticəsində mülki şəxs həlak olub
16:04
21 may 2024
Tovuzda evdə yanğın olub, 1 nəfər tüstüdən zəhərlənib
15:11
21 may 2024
Bakıda Hindistan vətəndaşlarını ABŞ-a aparmaq adı altında dələduzluq edilib, pakistanlı saxlanılıb - VİDEO
14:42
21 may 2024