Hadisə

Ana səhifə

Hadisə

Bakıda baş verən yol qəzalarında üç nəfər ölüb

04 may 2007 10:32 (UTC +04:00)

Mayın 3-də Bakının Əzizbəyov, Nizami və Qaradağ rayonları ərazisində ölümlə nəticələnən yol-qəza hadisələri baş verib. Daxili İşlər Nazirliyinin mətbuat xidmətindən APA-ya verilən məlumata görə, saat 19:00 radələrində Əzizbəyov rayonu A. İldırım küçəsində Binə qəsəbə sakini Böyükağa Rzayevin idarə etdiyi “Kia” və Şimali DRES qəsəbə sakini Nizami Əliyevin idarə etdiyi “Tofaş” markalı avtomaşınlar toqquşublar. Nəticədə N. Əliyev hadisə yerində ölüb. Nizami rayonu Q. Qarayev küçəsində Bakı şəhər sakini Hüseyn Dadaşov idarə etdiyi “Toyota” markalı avtomaşınla paytaxt sakini Rafael Məmmədovu vurub. Nəticədə xəsarətlə xəstəxanaya yerləşdirilən R. Məmmədov orada ölüb. Həmi gün saat 17:00 radələrində isə Qaradağ rayonu R. Salmanov küçəsində Rövşən Səfərov idarə etdiyi “Kamaz” markalı avtomaşınla Lökbatan qəsəbə sakini Məmməd Əhmədovu vurub, nəticədə M. Əhmədov ölüb. /APA/