Hadisə

Ana səhifə

Hadisə

Qaradağ və Sabirabadda yol-nəqliyyat hadisələri ölümlə nəticələnib

30 may 2007 12:40 (UTC +04:00)

Mayın 29-da saat 04:00 radələrində Qaradağ rayonu ərazisində Dəvəçi rayon sakini Etibar Məmmədov idarə etdiyi “VAZ-2107” markalı avtomaşını aşırıb. Bu barədə APA-ya Daxili İşlər Nazirliyinin mətbuat xidmətindən bildirilib. Nəticədə E. Məmmədov və həyat yoldaşı Xəyalə hadisə yerində ölüb, xəsarət almış qızı, 2001-ci il təvəllüdlü Sevinc və oğlu, 2005-ci il təvəllüdlü Dağlar isə xəstəxanaya yerləşdirilib. Onların vəziyyətləri orta-ağırdır.
Elə həmin gün saat 21:30 radələrində Sabirabad rayonunun Şəhriyar kəndi ərazisində Mingəçevir şəhər sakini Sərdar Həsənlinin idarə etdiyi “BMW” markalı və Sabirabad şəhər sakini Vidadi Ağarəhimovun idarə etdiyi “VAZ-2106” markalı avtomaşınlar toqquşub. Nəticədə V. Ağarəhimov hadisə yerində ölüb, xəsarət alan S. Həsənli və sərnişini, Əli Bayramlı şəhər sakini Şahin Qədirov xəstəxanaya yerləşdirilib.
Mayın 29-da Qaradağ rayonu Qobustan qəsəbəsi ərazisində baş verən yol-nəqliyyat hadisəsi də ölümlə nəticələnib. Saat 19:30 radələrində Bakı şəhər sakini Məhbubə Vəliyeva “Mercedes” markalı avtomaşını idarə edərkən onu aşırıb. Nəticədə M. Vəliyeva hadisə yerində dünyasını dəyişib.
Zaqatala şəhəri ərazisində isə şəhər sakini Azər Ömərovun idarə etdiyi “Moskviç-412” markalı və Bakı şəhər sakini Ramin Əliyevin idarə etdiyi “VAZ-21074” markalı avtomaşınların toqquşması nəticəsində R. Əliyevin xəsarət almış sərnişinləri, Bakı şəhər sakinləri Ədalət Hacıyev, Tamara Əsgərli və Rza Əsgərov xəstəxanaya yerləşdirilib. /APA/